Dypere røtter er eit kurs for alle kristne - ja, eigentleg for alle kyrkjelydar. Kurset går djupt inn i Guds kjærleik og openberringa av kven Gud er som Far. Eg har fått sjå at eg ikkje skal prestere, men leve ut frå kvila i hans kjærleik. Undervisninga har gjort sterkt inntrykk på meg. Gjennom Guds Ord har eg fått ei djupare openberring av Guds kjærleik, og det har forandra meg frå innsida og ut. Eg har fått større fred og tryggleik i Guds kjærleik, og røtene mine har vakse seg lengre og sterkare. Det viktigaste eg tek med meg vidare, er medvitet om å leve frå Livets tre. Eg er først og fremst ei Guds dotter. Frå den plassen får eg leve og tene. Det er ikkje eg som skal streve for Gud, men han som bur i meg, verkar både vilja og gjerninga. Hans kjærleik ber fram gode frukter som eit naturleg resultat av relasjonen med han. Refleksjonsoppgåvene var svært gode og hjelpte meg til å arbeide vidare med undervisninga. Dei gjorde at eg kunne ta det inn over meg på ein aktiv måte, og tilbakemeldingane undervegs betydde mykje. Zoom-samlingane var også verdifulle. Det var fint å få dele livet med andre og be saman i mindre grupper. Eg vil anbefale Dypere røtter på det varmaste. Kurset tek deg ut av stress, strev og jag, og inn på ein plass der du får leve ut frå vissheita om Guds farskjærleik. Det gjer noko med fundamentet ditt. Du blir trygg i Guds kjærleik, og frå den tryggleiken kan du leve og tene. For meg har Dypere røtter gitt ei djupare forståing av at eg er Guds dotter, og at livet med Gud handlar om relasjon – ikkje om å ta seg saman, men om å falle saman og seie: «Jesus, hjelp meg.» Der, i hans kjærleik, finn eg kvile, fred og eit liv som ber frukt. Klaudia