«Dypere røtter er eit livsstilsendringskurs som ristar av deg religiøsitet og let deg komme tilbake til det enkle livet med Pappa Gud. Dette er hjartekunnskap, ikkje hovudkunnskap. For meg har kurset vore som å komme heim igjen - tilbake til der det byrja. Som nyfrelst levde eg så bevisst saman med Pappa Gud, men etter kvart fekk eg mykje undervisning som gjorde trua meir komplisert og drog meg bort frå det enkle livet med Abba Far.

Gjennom Dypere røtter har eg fått komme tilbake til dette enkle livet igjen. Det største for meg har vore å få bli avkledd alle «burde», «måtte» og «skulle», og få leve som ei elska dotter av Pappa Gud. Å komme heim.

Undervisninga er bibelforankra, sunn og stødig. Vitnesbyrda undervegs gjorde bodskapen levande og gav meg knaggar å henge undervisninga på. Temaa er svært relevante for alle som ønskjer at røtene skal gå djupare - å bli trygg på Guds uendelege kjærleik, å leve som hans dotter eller son, og å få gå nye rundar med tilgiving og lækjedom.

Undervisninga går djupare for kvar gong eg høyrer henne. Eg oppdagar stadig nye ting, og det er nesten vanskeleg å setje ord på det som har skjedd på innsida i løpet av kursperioden.

Eg vil anbefale Dypere røtter på det varmaste. Kurset tek oss inn i sanninga, slik at røtene våre kan bli djupe og sterke. Det fører oss nærare Guds Farshjarte, nærare vårt eige hjarte, og viser oss korleis vi kan leve ut frå hjartet. Dette kurset vil du ikkje angre på!»